الملف ده فيه بيانات الموارد البشرية لشركة، وبيضم تفاصيل عن تقييم أداء الموظفين ومصاريفهم. هتلاقي عواميد بتوضح اسم الموظف، حالته الوظيفية شغال ولا لأ، القسم، سنين الخبرة، المرتب الأساسي، الوقت الإضافي، المكافآت، وإجمالي المصاريف، بالإضافة لتقييمات الكفاءة والابتكار والسلوك.
الداتا دي جاهزة ومفيهاش مشاكل محتاجة كلينينج، لكن فيها تحدي ولغز كبير لأي محلل بيانات شاطر عينه على البيزنس.
إدارة الشركة شاكة إن فيه تلاعب مالي وتسريب في الميزانية، ومطلوب منك تكتشف الفساد ده بيحصل إزاي ومين الأقسام المتورطة. ركز جدا في الربط بين حالة الموظف الفعلية وبين الفلوس والمصاريف اللي بتتسجل على السيستم باسمه. دورك هنا مش بس تعمل داشبورد تعرض الأداء، دورك تكتشف التلاعب ده وتنقذ الشركة من مصاريف وهمية بتندفع وبتتسجل على السيستم.